I Noreg er det eldre sulfidførekomstar i fleire gruver på land, og sulfid blir i dag danna på den vulkanske spreiingsryggen mellom Noreg og Grønland.

Mineral blir felt ut

Sjøvatn trenger ned i undergrunnen over magmakammer, og sjøvatnet blir varma opp til over 300 gradar. Det varme og korrosive sjøvatnet leskar ut metall frå bergartane. Det varme vatnet stig opp i varme kjelder på havbotnen, og minerala blir felt ut på havbotnen i kontakt med det kaldare sjøvatnet.

Her kan sulfida byggast opp i høge skorsteinar. Skorsteinane rasar etter kvart samman og dannar grushaugar. Slike grushaugar med mineralførekomstar har Sokkeldirektoratet kartlagt og tatt mange prøvar av.

Bildet: Sulfidprøve, malakittutfelling, 2020.